Detalle noticia

itzuli atzera
2021-azaroa-15
Haurren aurrean, helduok heldu

Familia eta lagunen artean euskararen erabilera sustatzeko ekimena
Udazken honetan, Arrigorriagan,  aurrera eramango da guraso, zaintzaile, lagun, senide eta bestelako hezitzaileen arteko euskarazko praktika sustatzeko ekimen bat.

Datorren azaroaren 22tik abenduaren 5era bitartean, 0-12 urte bitarteko umeekin harreman zuzena daukaten eta hizkuntza transmisioan zein eredugarritasunean eragina daukaten guraso, hezitzaile, lagun helduak, zaintzaile eta bestelako senideok zuon arteko (hau da, helduon arteko) hizkuntza praktikak aldatzeko eta euskara gehiago erabiltzeko aktibazio ekimena izango da.

Haurren aurrean helduok heldu ekimena Euskal Herri osoan zehar egingo da, Euskaltzaleen Topaguneak koordinatuta eta Euskal Herri osoan zehar eratuko diren batzordeek sustatuta. Gure Magalean Guraso Elkartea ere berezko lanketa egingo dugu irakasleon artean eta ikasleekin, ekimena girotzeko eta prestatzeko.

Horiek horrela, guraso, hezitzaile, zaintzaile eta bestelako senide eta lagunak ekimen honetan parte hartzea gonbidatu nahi zaituztegu, hau da, egun horietan, euskara gehiago, gehiagorekin eta gehiago egitera, helduon artean, jakin baitakigu umeek gu imitatuz jardun izaten dutela euren artean ere. Zer ikusi hura egin. Erreferente garen helduon euskararekiko portaera ikusita, haurrek hizkuntza praktika berriak normalizatu eta barneratuko dituzte.

Ekimen honen barruan, Paula Kasares Corrales NUPeko irakasle eta soziolinguistikan doktoreak haurren gertuko helduen hizkuntza-portaeran eragiteko sentsibilizazioari eta kontzientziazioari buruzko hitzaldi parte-hartzailea emango du. Ostiral honetan izango da arratsaldeko 18: 00etan "Euskaldun Berria" erakusketa aretoan.

Gure Magaleanetik parte hartzera eta euskararen erabilera esparru guztietan sustatuko duen giroa sortzera gonbidatzen zaituztegu.
Actividades
1258 aldiz irakurri dute