Detalle noticia

itzuli atzera
2021-urria-15
Eskola Bidea

Familientzat aurkezpena
Eskola Bideak proiektuaren helburua etxetik eskolara doan ibilbidean ikasleak segurtasunez eta autonomiaz mugitu ahal izatea da. Era berean, eskola-eremuan mugikortasun aktiboa sustatu nahi du, gazteenak, txikitatik, jarduera fisikoak duen garrantziaz eta osasunerako dituen onurez kontzientziatuz.

Testuinguru horretan, Arrigorriagan gai horren inguruko egitasmo bat abiarazi da, Eskola Bideak, udalak gidatuta, eskolak eta IGEak lagunduta, eta gizarte-arloko egitasmoetan aditua den Ortzadar enpresaren parte hartzearekin.
Helburua da ikasturtea amaitu baino lehen eskola-bideen multzo bat diseinatzea, konfiguratzea eta inplementatzea, behar bezala seinaleztatutako eta egokitutako ibilbideak, 7 urtetik gorako haurrek eskolarainoko joan-etorriko bidea nolabaiteko autonomia-mailarekin egin ahal izan dezaten. Autonomia gaitasunak garatuz eta, aldi berean, jarduera fisikoa eginez, eta guzti horren garrantziaz jabetuz.
Egitasmo hau, hasierako fasean dago. Dagoeneko koordinazio-bilera bat egin da bertan parte hartzen duten eragile guztien artean (udala, eskola eta guraso-elkartea, Ortzadar), eta jendaurrean aurkeztu da prentsaurrekoan. Oso garrantzitsua izango da interesa duten eragile guztien (ikasleak, familiak, irakasleak, elkarteak, merkatariak, udala, etab.) parte-hartzea, proposatutako helburuak lortu ahal izateko.
Egitasmoa ezagutarazteko eta interesa duten eragileak konpromisoa har dezaten, urriaren 19an prestakuntza-saio bat egingo da eskolako klaustroarekin, eta urriaren 26an familientzako aurkezpen-saio bat egingo da Kultur Etxean, 17: 30ean.

Gure Magalean elkarteak familientzako proiektu honen aurkezpenera gonbidatzen zaituztegu. Han elkartuko gara!
Charlas
1287 aldiz irakurri dute